ការមានកម្រិតមេជីវិតឈ្មោលទាប (oligospermia) ជាបញ្ហាមួយ សម្រាប់សុខភាពមនុស្ស​ប្រុស និងការបន្តពូជ។ កម្រិតមេជីវិតទាប មានន័យថា បុរសបញ្ចេញមេជិវិតតិច ឬបញ្ចេញទឹកកាមតិច ក្នុងពេលសម្រេច​កាម។ នោះក៏មានន័យថា បុរសមានកម្រិតមេជីវិតទាបជាង ១៥លានមេ​ជីវិត ក្នុង ១មីលីលីត្រ​នៃទឹកកាម។ បញ្ហានេះ អាចបង្កផលលំបាក​ដល់បុរស ក្នុង​ការបង្ក​កំណើត ដែលបុរស អាចនឹងបរាជ័យ ក្នុងការធ្វើ​ឱ្យស្ត្រីមានផ្ទៃពោះ។ ការសិក្សាខ្លះ ក៏បានលើកឡើងថា បុរសដែលមានមេជីវិតទាប អាចមានសុខភាពខ្សោយ ក៏ដូចជា ប្រឈមនឹងជំងឺច្រើនប្រភេទ។

 

សញ្ញា បង្ហាញ​ថា បុរសមានកម្រិតមេជីវិតទាប៖

១. មានបញ្ហា​មុខងារផ្លូវភេទ (ខ្វះចំណង់ផ្លូវភេទ ឬមិនអាចរក្សាភាពរឹងនៃប្រដាប់ភេទ)

២. ឈឺ ហើម ឬមានដុំពក នៅបរិវេណប្រដាប់ភេទ

៣. រោមមុខ និងរោមដងខ្លួន តិច

៤. មាន​សញ្ញាក្រូម៉ូសូម ឬអរម៉ូនមិនប្រក្រតី

 

មូលហេតុបង្ក៖

១. អតុល្យភាពនៃអរម៉ូន

២. បញ្ហាហ្សែន

៣. ឆ្លងមេរោគ

៤. មានបញ្ហា​ក្នុងការបញ្ចេញទឹកកាម

៥. មាន​​អង្គ​ដិប្រាណ ដែលវាយប្រហារមេជីវិត

៦. មាន​​ដុំ​​សាច់​​នៅ​បរិវេណ​ប្រដាប់​ភេទ

៧. មានពងស្វាស មិន​ធ្លាក់​ចុះ (មួយចំហៀង ឬទាំងគូ)

៨. ខូចក្រូម៉ូសូម

៩. សរសៃពងស្វាសរីកធំ

១០. ការប្រើប្រាស់ថ្នាំវេជ្ជសាស្ត្រ​មួយចំនួន

១១. លើសទម្ងន់

១២. ធ្លាប់មានការវះកាត់ ដែលប៉ះពាល់ដល់​ការបញ្ចេញទឹកកាម

១៣. ប្រឈមនឹងសារធាតុគីមី

១៤. ទទួលរងវិទ្យុសកម្ម ឬបច្ចេកវិទ្យាកាំរស្មីអិច

១៥. ពងស្វាស​មានកម្ដៅខ្លាំង

១៦. ការប្រើប្រាស់គ្រឿងញៀន

១៧. ការជក់បារី

១៨. ស្ត្រេស ឬបាក់ទឹកចិត្ត

 

វិធីព្យាបាល៖

១. វះកាត់

២. ព្យាបាលការឆ្លងមេរោគ

៣. ព្យាបាលបញ្ហាផ្លូវភេទ

៤. ព្យាបាលបញ្ហាអរម៉ូន

៥. ព្យាបាលដោយបច្ចេកវិទ្យា ជំនួយការបន្តពូជ (Assisted Reproductive Technology ឬ ART)

 

វិធីបង្ការ៖

១. ផ្ដាច់បារី

២. កាត់បន្ថយ ឬផ្ដាច់ជាតិអាល់កុល

៣. ប្រឹក្សាជាមួយវេជ្ជបណ្ឌិត អំពីថ្នាំ ដែលអាចប៉ះពាល់

៤. រក្សាទម្ងន់រង្វង់សុខភាព

៥. ជៀសវាងកម្ដៅក្ដៅខ្លាំង

៦. គ្រប់គ្រងស្ត្រេស

៧. ជៀសវាងការប្រឈមនឹង​ថ្នាំកម្ចាត់សត្វល្អិត លោហធាតុ ឬសារធាតុពុលផ្សេងៗ

 

ប្រភព៖ Mayo Clinic | https://www.mayoclinic.org/diseases-conditions/low-sperm-count/symptoms-causes/syc-20374585

NHS | https://www.nhs.uk/conditions/low-sperm-count/

រក្សាសិទ្ធិ©ដោយ៖ Pethyoeung e-Health ID កាន់តែងាយស្រួល! បង្កើនភាពជិតស្និតជាមួយវេជ្ជបណ្ឌិត ណាត់ជួបវេជ្ជបណ្ឌិតដោយពុំរង់ចាំយូរ ចំណេញពេលវេលា ចំណេញថវិកា អានគន្លឹះថែទាំសុខភាពជាប្រចាំ ទទួលសាររំលឹកពីការណាត់ជួប និងទទួលបានមុខងារកំណត់ត្រាប្រវត្តិជំងឺ។ មានអែប Pethyoeung e-Health ID ប្រើ ដូចមាន វេជ្ជបណ្ឌិតនៅជាមួយគ្រប់ពេលវេលា គ្រប់ទីកន្លែង ២៤ម៉ោង! លើសពីនេះ អែប Pethyoeung e-Health ID ភ្ជាប់ជាមួយប្រព័ន្ធគ្រប់គ្រងវត្តមានបុគ្គលិក ៤.០ + ។