វិធីសាស្ត្រធ្វើឲ្យធ្មេញសមួយចំនួននៅលើទីផ្សារនាពេលបច្ចុប្បន្ននេះអាចបណ្តាលឲ្យមានសំណឹកធ្មេញដោយសារតែមានធាតុផ្សំមួយចំនួន។ ធាតុផ្សំមួយចំនួនអាចបណ្តាលឲ្យមានប្រតិកម្មជាមួយនឹងធ្មេញ។ តែប្រសិនបើយើងទៅមន្ទីរពេទ្យដើម្បីកែរលំអរធ្មេញរបស់យើងឲ្យសស្អាតវាមានតំលៃថ្លៃ។ ដូចនេះបើយើងមានរបស់ទាំង៣នេះនៅក្នុងផ្ទះ វាក៏អាចជួយឲ្យធ្មេញរបស់យើងស និងមានខ្យល់ដង្ហើមស្រស់ថ្លាជាងមុនបានខ្លះៗដែរ ដោយគ្នុងនោះរួមមាន៖

១ សំបកចេកទុំ

ការប្រើសំបកចេកទុំដែលទើបបករួច យើងយកទៅជូតធ្មេញនិងជួយធ្វើឲ្យធ្មេញរបស់យើងកាន់តែស ដោយសារសំបកចេកវាមានសារធាតុផ្សំដូចជា ម៉ាញេស្យូម ប៉ូតាស្យូម និងម៉ង់ហ្គាណែស ដែលជួយសម្អាតផ្ទៃធ្មេញនិងកម្ចាត់ស្នាមប្រឡាក់ពណ៌លឿង។ ការត្រដុសសំបកចេកនៅលើធ្មេញរបស់អ្នកក៏ជួយសម្លាប់បាក់តេរីក្នុងមាត់ និងការពារការពុកធ្មេញផងដែរ។

២ ស្លឹកម្រះព្រៅ

ស្លឹកម្រះព្រៅ មានប្រេងសំខាន់ដែលមានអង់ទីប៊ីយ៉ូទិកខ្លាំង ហើយជួយកម្ចាត់ស្នាមប្រឡាក់ពណ៌លឿងនៅលើធ្មេញ។ យើងអាចយកស្លឹករបស់វាមកជូតសម្អាតធ្មេញថ្មមៗក៏បាន និងអ្នកអាចយកស្លឹករបស់វាមកច្របាច់យកទឹកវាទុកដុសធ្មេញក៏បាន។ ពេលដុសធ្មេញរួចហើយ វាក៏មានខ្យល់ដង្ហើមស្រស់ស្រាយនិងមានក្លិនមាត់តិចផងដែរ។

៣ ម្សៅសូដា(Baking soda)

ម្សៅ Baking soda គឺជាគ្រឿងផ្សំដុតនំទូទៅ វាប្រៀបបានដូចទៅនិងអំបិលដែរ ។ ដោយគ្រាន់តែអ្នកយកម្សៅសូដាលាយជាមួយទឹកបន្តិច បន្ទាប់មកយកមកលាបនិងលាងជម្រះមាត់និងធ្មេញរបស់អ្នក ដោយយកចង្អុលដៃទៅត្រដុះលើធ្មេញចុះឡើង។ ប៉ុន្តែអ្នកគួរប្រើម្សៅសូដានេះ២ដងក្នុងមួយសប្តាហ៌បានហើយ។

៤ សំបកប្រទាលកន្ទុយក្រពើរ(Aloe vera)

ប្រទាលកន្ទុយក្រពើគឺជារុក្ខជាតិធម្មជាតិដ៏ល្អសម្រាប់ថែរក្សាស្បែកនិងមាត់។ ដោយអ្នកគ្រាន់តែយកសំបកប្រទាលយកជូតលើធ្មេញរបស់អ្នកជាការស្រេច។ Aloe vera មានវីតាមីន ជាតិដែក និងម៉ាញ៉េស្យូមជាច្រើន។

ប្រភព៖phunutoday.vn

រក្សាសិទ្ធិ©ដោយ៖ Pethyoeung e-Health ID

កាន់តែងាយស្រួល! បង្កើនភាពជិតស្និតជាមួយវេជ្ជបណ្ឌិត ណាត់ជួបវេជ្ជបណ្ឌិតដោយពុំរង់ចាំយូរ ចំណេញពេលវេលា ចំណេញថវិកា អានគន្លឹះថែទាំសុខភាពជាប្រចាំ ទទួលសាររំលឹកពីការណាត់ជួប និងទទួលបានមុខងារកំណត់ត្រាប្រវត្តិជំងឺ។ មានអែប Pethyoeung e-Health ID ប្រើ ដូចមាន វេជ្ជបណ្ឌិតនៅជាមួយគ្រប់ពេលវេលា គ្រប់ទីកន្លែង ២៤ម៉ោង! លើសពីនេះ អែប Pethyoeung e-Health ID ភ្ជាប់ជាមួយប្រព័ន្ធគ្រប់គ្រងវត្តមានបុគ្គលិក ៤.០ +។