ជំងឺបេះដូងកើតលើអ្នកជំងឺទឹកនោមផ្អែម គួរធ្វើម៉េចល្អ?
ជំងឺបេះដូង ជាប្រភេទជំងឺមួយដែលឧស្សាហ៍កើតមានលើអ្នកមានជំងឺទឹកនោមផ្អែម។ ជាទូទៅអ្នកជំងឺទឹកនោមផ្អែមមានហានិភ័យទ្វេដងក្នុងការស្លាប់ដោយសារជំងឺបេះដូង ឬគ្រោះថ្នាក់សរសៃឈាមខួរក្បាល បើធៀបទៅនឹងអ្នកដែលគ្មានជំងឺនេះ។
តើអ្វីជាដើមចមនាំឲ្យកើតមានជំងឺបេះដូងលើអ្នកជំងឺទឹកនោមផ្អែម?
មូលហេតុទូទៅមួយដែលនាំឲ្យកើតមានជំងឺបេះដូងលើអ្នកមានជំងឺទឹកនោមផ្អែម គឺការកើនឡើងនៃកូលេស្តេរ៉ូលក្នុងសរសៃឈាម ដែលសរសៃឈាមទាំងនោះមាននាទីដឹកនាំអុកស៊ីសែន និងសារជាតិចិញ្ចឹមទៅកាន់បេះដូង។
នៅពេលមួយដែលកំណកកូលេស្តេរ៉ូលទាំងនោះបែក រាងកាយព្យាយាមជួសជុលដុំកំណកដែលបែកនោះឡើងវិញ ដោយបញ្ជូនប្លាកែតទៅបិទនៅកន្លែងដែលបែក។ ដោយសារតែសរសៃឈាមមានទំហំតូច ប្លាកែតអាចធ្វើឲ្យស្ទះលំហូរឈាមក្នុងសរសៃឈាម ដែលមិនអាចនាំអុកស៊ីសែនទៅកាន់បេះដូងបានទៀត ហើយក៏អាចវិវត្តទៅជាបញ្ហាគាំងបេះដូង។
ដំណើរការនេះអាចកើតមានគ្រប់សរសៃឈាមបេះដូងទាំងអស់នៅក្នុងរាងកាយ ហើយជាលទ្ធផលអាចនាំឲ្យខ្វះឈាមរត់ទៅកាន់ខួរក្បាល បង្កជាគ្រោះថ្នាក់សរសៃឈាមខួរក្បាល ឬខ្វះឈាមរត់ទៅកាន់ជើង ដៃ ប្រអប់ដៃ ដែលអាចបណ្ដាលឲ្យមានជំងឺត្បៀតសរសៃដៃ ជើង។
អ្នកជំងឺទឹកនោមក៏មិនត្រឹមតែប្រឈមនឹងជំងឺបេះដូងប៉ុណ្ណោះទេ ប៉ុន្តែក៏ប្រឈមនឹងជំងឺខ្សោយបេះដូងផងដែរ។ ការមានជំងឺខ្សោយបេះដូង អាចនាំឲ្យមានការកើនឡើងជាតិទឹកនៅសួត នាំឲ្យពិបាកដកដង្ហើម ឬស្ទះជាតិទឹកនៅកន្លែងផ្សេងទៀតនៃរាងកាយពិសេសត្រង់ជើង ដែលអាចនាំឲ្យហើម។
តើអាចព្យាបាលតាមវិធីណា?
សម្រាប់អ្នកជំងឺទឹកនោមផ្អែម ហើយមានជំងឺបេះដូងទៀតនោះ ការព្យាបាលមានច្រើនវិធីអាស្រ័យលើស្ថានភាពជំងឺជាក់ស្ដែង។ វិធីទាំងនោះមានដូចជា៖
- រៀបចំរបបអាហារ
- ហាត់ប្រាណជាប្រចាំ តាមការណែនាំ
- ប្រើថ្នាំតាមវេជ្ជបញ្ជា ឬ
- ព្យាបាលដោយវះកាត់។
ប្រភព៖ webmd
រក្សាសិទ្ធិ©ដោយ៖ Pethyoeung e-Health ID
កាន់តែងាយស្រួល! បង្កើនភាពជិតស្និតជាមួយវេជ្ជបណ្ឌិត ណាត់ជួបវេជ្ជបណ្ឌិតដោយពុំរង់ចាំយូរ ចំណេញពេលវេលា ចំណេញថវិកា អានគន្លឹះថែទាំសុខភាពជាប្រចាំ ទទួលសាររំលឹកពីការណាត់ជួប និងទទួលបានមុខងារកំណត់ត្រាប្រវត្តិជំងឺ។ មានអែប Pethyoeung e-Health ID ប្រើ ដូចមាន វេជ្ជបណ្ឌិតនៅជាមួយគ្រប់ពេលវេលា គ្រប់ទីកន្លែង ២៤ម៉ោង! លើសពីនេះ អែប Pethyoeung e-Health ID ភ្ជាប់ជាមួយប្រព័ន្ធគ្រប់គ្រងវត្តមានបុគ្គលិក ៤.០ +។
