តើអ្នកដែលមានអារម្មណ៍ថាឃ្លាន ក្រោយពីក្រោកពីដំណេកដែរឬអត់? វាពិតជាពិបាកនឹងមិនរកអីផឹកណាស់នៅពេលដែលឃ្លានបែបនេះ ព្រោះថាវាពិបាកក្នុងការធ្វើម្ហូបជាងការរកអីផឹក។ តែអ្នកគួរដឹងថា ភេសជ្ជៈខ្លះមិនអាចទទួលទាំងពោះទទេរនោះទេ។ ថ្ងៃនេះ អ្នកនឹងបានស្គាល់ពីភេសជ្ជៈទាំងនេះ។

១. ភេសជ្ជៈកំប៉ុង

ភេសជ្ជៈនេះមានផ្ទុកបរិមាណនៃជាតិអាស៊ីតកាបូណាតខ្ពស់ដែលមានន័យថា ប្រសិនបើអ្នកទទួលទានភេសជ្ជៈប្រភេទនេះ នៅពេលពោះទទេរនោះ ជាតិកាបូណាតនឹងត្រូវលាយឡំជាមួយអាស៊ីតក្រពះដែលបង្កជាអាការៈចង្អោរចង់ក្អួត ពិបាកក្នុងខ្លួន និងបញ្ហាសុខភាពច្រើនផ្សេងទៀត។

២. កាហ្វេ

មានមូលហេតុចម្បងពីរដែលការទទួលទានកាហ្វេពេលពោះទទេរមិនល្អសម្រាប់អ្នក។ ទីមួយគឺ វាអាចបង្កើនការផលិតជាតិអាស៊ីតក្រពះលើសកម្រិត។ ទីពីរគឺ កាហ្វេអាចពន្យឺតការរំលាយប្រូតេអ៊ីនក្នុងអាហារដែលអ្នកទទួលទានពេលក្រោយ។

៣. គ្រឿងស្រវឹង

កុំទទួលទានគ្រឿងស្រវឹងនៅពេលពោះទទេរឱ្យសោះ ព្រោះជាតិអាល់កុលនឹងត្រូវជ្រាបចូលផ្ទាល់ទៅក្នុងចរន្តឈាមតែម្ដង។ ជាលទ្ធផលសសៃឈាមនឹងរីកធំបង្កជាបញ្ហាជីពចរចុះខ្សោយ ព្រមទាំងប៉ះពាល់ដល់សម្ពាធឈាមផងដែរ។ លើសពីនេះទៅទៀត នៅពេលកំហាប់នៃជាតិអាល់កុលកើនឡើងខ្ពស់ក្នុងឈាមនោះ វានឹងបង្កបញ្ហាសុខភាពគួរឱ្យព្រួយបារម្ភជាច្រើន៕

ប្រភព៖ Health|https://www.health.com.kh/archives/432507

រក្សាសិទ្ធិ©ដោយ៖ Pethyoeung e-Health ID

កាន់តែងាយស្រួល! បង្កើនភាពជិតស្និតជាមួយវេជ្ជបណ្ឌិត ណាត់ជួបវេជ្ជបណ្ឌិតដោយពុំរង់ចាំយូរ ចំណេញពេលវេលា ចំណេញថវិកា អានគន្លឹះថែទាំសុខភាពជាប្រចាំ ទទួលសាររំលឹកពីការណាត់ជួប និងទទួលបានមុខងារកំណត់ត្រាប្រវត្តិជំងឺ។ មានអែប Pethyoeung e-Health ID ប្រើ ដូចមាន វេជ្ជបណ្ឌិតនៅជាមួយគ្រប់ពេលវេលា គ្រប់ទីកន្លែង ២៤ម៉ោង! លើសពីនេះ អែប Pethyoeung e-Health ID ភ្ជាប់ជាមួយប្រព័ន្ធគ្រប់គ្រងវត្តមានបុគ្គលិក ៤.០ +។