តើអ្នកឧស្សាហ៍មានបញ្ហាឈឺមួយចំហៀងក្បាលដែរឬទេ? នៅពេលដែលមានបញ្ហាបែបនេះភ្លាម អ្នកអាចនឹងប្រញាប់ទៅរកថ្នាំមកលេប។ ការព្យាបាលគឺជាការប្រសើរ តែអ្នកគួរតែស្គាល់ពីវិធីការពារ។ អាហារមួយចំនួន អាចធ្វើឱ្យអ្នកមានបញ្ហាប្រកាំងនេះញយជាងអ្នកដទៃ។ ដូចនេះ អ្នកគួរតែរកវិធីដើម្បីកាត់បន្ថយវា។

១. ប៊ីចេង

ប៊ីចេង គឺជាសារធាតុបន្ថែមដែលត្រូវបានប្រើដើម្បីបង្កើនរសជាតិអាហារ។ ទោះបីជាក្រុមអ្នកវិទ្យាសាស្ត្រ អះអាងថា MSG មានលក្ខណៈសមស្របសម្រាប់ការទទួលទានក៏ដោយ ក៏វានៅតែជាអ្វីដែលផ្សារភ្ជាប់ទៅនឹងអាការៈឈឺក្បាលប្រកាំងដែរ។ យោងតាមអ្នកជំនាញជាច្រើនបានឱ្យដឹងថា ប្រហែលពី ១០ ទៅ ១៥% នៃអ្នកដែលឈឺក្បាលប្រកាំងនឹងមានស្ថានភាព ឬអាការៈកាន់តែធ្ងន់ធ្ងរក្រោយពីទទួលទានអាហារមានជាតិប៊ីចេង។ នោះក៏ព្រោះតែសារធាតុនេះជះឥទ្ធិពលអវិជ្ជមានលើដំណើរការមុខងារនៃខួរក្បាលនិងសសៃប្រសាទ។

២. សុរា

ការសិក្សាស្រាវជ្រាវជាច្រើនបានបង្ហាញឱ្យដឹងថា ប្រមាណ ២៥% នៃអ្នកដែលឈឺក្បាលប្រកាំងមានអាការៈធ្ងន់ធ្ងរជាងមុន នៅរាល់ពេលទទួលទានសុរា។ ទោះជាយ៉ាងណាក៏ដោយ អ្នកក៏អាចប្រឈមមុខនឹងបញ្ហាឈឺក្បាលប្រកាំងផងដែរ ក្រោយទទួលទានគ្រឿងស្រវឹង ដែលគេហៅថាសល់ហាយ។

៣. កាហ្វេ ឬ ភេសជ្ជៈមានជាតិកាហ្វេអ៊ីន

ពិតណាស់ការទទួលទានភេសជ្ជៈកាហ្វេអ៊ីនដូចជា កាហ្វេ និងតែត្រឹមមួយពែងអាចសម្រាលអាការៈឈឺក្បាលបានយ៉ាងប្រសើរ។ តែវាក៏ធ្វើឱ្យអ្នកប្រឈមនឹងបញ្ហាឈឺមួយចំហៀងក្បាលផងដែរ ប្រសិនបើអ្នកទទួលទានលើសកម្រិត៕

ប្រភព៖ Health|https://www.health.com.kh/archives/432463

រក្សាសិទ្ធិ©ដោយ៖ Pethyoeung e-Health ID

កាន់តែងាយស្រួល! បង្កើនភាពជិតស្និតជាមួយវេជ្ជបណ្ឌិត ណាត់ជួបវេជ្ជបណ្ឌិតដោយពុំរង់ចាំយូរ ចំណេញពេលវេលា ចំណេញថវិកា អានគន្លឹះថែទាំសុខភាពជាប្រចាំ ទទួលសាររំលឹកពីការណាត់ជួប និងទទួលបានមុខងារកំណត់ត្រាប្រវត្តិជំងឺ។ មានអែប Pethyoeung e-Health ID ប្រើ ដូចមាន វេជ្ជបណ្ឌិតនៅជាមួយគ្រប់ពេលវេលា គ្រប់ទីកន្លែង ២៤ម៉ោង! លើសពីនេះ អែប Pethyoeung e-Health ID ភ្ជាប់ជាមួយប្រព័ន្ធគ្រប់គ្រងវត្តមានបុគ្គលិក ៤.០ +។