តើអ្នកធ្លាប់ឈឺបំពង់កក្រោយពេលក្រោកពីគេងឬអត់? ទាល់តែអ្នកក្រោកឡើងផឹកទឹក ហើយទៅដុសធ្មេញទើបបាត់។ ប្រសិនបើអ្នកធ្លាប់ ថ្ងៃនេះ អ្នកនឹងបានស្គាល់ថា មូលហេតុអ្វីដែលធ្វើឲ្យអ្នកឈឺបែបនេះ។ ខាងក្រោមគឺជាមូលហេតុ៣យ៉ាង ដែលធ្វើឲ្យអ្នកឈឺបំពង់ក ក្រោយពេលក្រោកពីគេងនៅពេលព្រឹក។

១. ខ្សោះជាតិទឹក

ការគេងលក់ដោយមិនផឹកទឹក ក៏អាចធ្វើឲ្យបំពង់កងាយនឹងស្ងួតខ្លាំងដែរ ហើយក៏ជាដើមហេតុដ៏ញឹកញាប់មួយនៃការឈឺបំពង់កថែមទៀតផង។ បើសិនជាអ៊ីចឹងមែន យកល្អគួរតែព្យាយាមញ៉ាំទឹកឲ្យបាន ៨កែវក្នុងមួយថ្ងៃ។

២. ការច្រាលអាស៊ីតក្រពះ

វាអាចជាហេតុផលដ៏ធំមួយដែលបញ្ជាក់ថា ការច្រាលអាស៊ីតក្រពះនឹងធ្វើឲ្យអ្នកឈឺបំពង់ករនៅជារៀងរាល់ព្រឹក។ ការច្រាលអាស៊ីតក្រពះនេះអាចកើតឡើងនៅពេលអ្នកកំពុងតែគេងជាច្រើនម៉ោង ហើយក៏អាចធ្វើឲ្យរលាក និងហើមបំពង់កបានដែរ។

៣. ការស្រមុក

បើសិនជាអ្នកត្រូវបានគេនិយាយថា អ្នកគេងស្រមុកលឺៗ វាក៏ទំនងជាដើមហេតុដ៏ធំមួយនៅពីក្រោយការឈឺបំពង់កដែរ។ ដោយសារតែ មាត់អ្នកងាយនឹងបើកនៅពេលលង់លក់សុបិន្ត បំពង់កអាចនឹងងាយស្ងួតខ្លាំងថែមទៀត។ រឿងនេះនឹងធ្វើឲ្យមានអារម្មណ៍ឈឺនៅពេលព្រឹកជាមិនខាន ៕

ប្រភព៖ Health|https://www.health.com.kh/archives/432210

រក្សាសិទ្ធិ©ដោយ៖ Pethyoeung e-Health ID

កាន់តែងាយស្រួល! បង្កើនភាពជិតស្និតជាមួយវេជ្ជបណ្ឌិត ណាត់ជួបវេជ្ជបណ្ឌិតដោយពុំរង់ចាំយូរ ចំណេញពេលវេលា ចំណេញថវិកា អានគន្លឹះថែទាំសុខភាពជាប្រចាំ ទទួលសាររំលឹកពីការណាត់ជួប និងទទួលបានមុខងារកំណត់ត្រាប្រវត្តិជំងឺ។ មានអែប Pethyoeung e-Health ID ប្រើ ដូចមាន វេជ្ជបណ្ឌិតនៅជាមួយគ្រប់ពេលវេលា គ្រប់ទីកន្លែង ២៤ម៉ោង! លើសពីនេះ អែប Pethyoeung e-Health ID ភ្ជាប់ជាមួយប្រព័ន្ធគ្រប់គ្រងវត្តមានបុគ្គលិក ៤.០ +។