ខួរក្បាលរបស់យើង ហាក់បីដូចជាមេបញ្ជាការប្រចាំរាងកាយអ៊ឺចឹង។ វាជាអ្វីដែលមនុស្សគ្រប់គ្នាគិតថា ជាសរីរាង្គសំខាន់បំផុត។ ដូចសរីរាង្គដទៃទៀតនៃរាងកាយដែរ ខួរក្បាលរបស់យើងអាចទទួលរងពីកត្តាផ្សេងៗ ដែលពេលខ្លះយើងនឹកស្មានមិនដល់។ ថ្ងៃនេះអ្នកនឹងដឹងពី៣ចំនុច ដែលអាចប៉ះពាល់ដល់សុខភាពខួរក្បាលរបស់យើង ខណៈដែលយើងមិនបានដឹងខ្លួន។

១. មិនទទួលទានអាហារពេលព្រឹក

ការសិក្សាបង្ហាញថា កុមារដែលញ៉ាំអាហារពេលព្រឹក ទទួលបានលទ្ធផលល្អប្រសើរនៅសាលារៀន ជាពិសេសនៅក្នុងមុខវិជ្ជាវិទ្យាសាស្ត្រ។ ការមិនបរិភោគអាហារពេលព្រឹក បណ្តាលឱ្យមានការថយចុះកម្រិតជាតិគ្លុយកូសក្នុងឈាម ដែលជាលទ្ធផលប៉ះពាល់ដល់មុខងារខួរក្បាល។

២. កង្វះទំនាក់ទំនង

ការសិក្សាដែលធ្វើឡើងនៅសាកលវិទ្យាល័យមីឈីហ្គែន សហរដ្ឋអាមេរិក បានបង្ហាញថា សូម្បីតែការប្រាស្រ័យទាក់ទងសូម្បីតែ ១០នាទីក្នុងមួយថ្ងៃ អាចបង្កើនសមត្ថភាពផ្លូវចិត្ត។ វាមិនចាំបាច់ក្នុងការចេញទៅក្រៅនិងនិយាយជាមួយមនុស្សទេ ព្រោះថាសម័យនេះគឺសម័យកូវីដ។ អ្នកអាចគ្រាន់តែនិយាយជាមួយនឹងមនុស្សដែលអ្នកស្គាល់តាមរយៈអ៊ីនធើណេត ឬ តាមរយៈទូរស័ព្ទ ក៏បានដែរ។

៣. ទទួលទានស្ករច្រើនពេក

យោងតាមការស្រាវជ្រាវ បរិមាណស្ករដ៏ច្រើនជះឥទ្ធិពលយ៉ាងធ្ងន់ធ្ងរដល់កត្តាប្រព័ន្ធសរសៃប្រសាទរបស់ខួរក្បាល ដែលទទួលខុសត្រូវចំពោះការផលិតណឺរ៉ូនសរសៃប្រសាទ។ វាធ្វើឱ្យប៉ះពាល់ជាអវិជ្ជមានដល់ ការបង្កើតការចងចាំនិងការរៀនសូត្ររយៈពេលវែង។ ដូចនេះ អ្នកគួរតែកាត់បន្ថយការទទួលទានផ្អែម ព្រោះថាវាក៏ធ្វើឱ្យមានផលប៉ះពាល់ដល់សុខភាពយើងផ្សេងទៀតផងដែរ៕

ប្រភព៖ Health|https://www.health.com.kh/archives/431899

រក្សាសិទ្ធិ©ដោយ៖ Pethyoeung e-Health ID

កាន់តែងាយស្រួល! បង្កើនភាពជិតស្និតជាមួយវេជ្ជបណ្ឌិត ណាត់ជួបវេជ្ជបណ្ឌិតដោយពុំរង់ចាំយូរ ចំណេញពេលវេលា ចំណេញថវិកា អានគន្លឹះថែទាំសុខភាពជាប្រចាំ ទទួលសាររំលឹកពីការណាត់ជួប និងទទួលបានមុខងារកំណត់ត្រាប្រវត្តិជំងឺ។ មានអែប Pethyoeung e-Health ID ប្រើ ដូចមាន វេជ្ជបណ្ឌិតនៅជាមួយគ្រប់ពេលវេលា គ្រប់ទីកន្លែង ២៤ម៉ោង! លើសពីនេះ អែប Pethyoeung e-Health ID ភ្ជាប់ជាមួយប្រព័ន្ធគ្រប់គ្រងវត្តមានបុគ្គលិក ៤.០ +។